22 Apr “Ljekovita pričaonica” – Noć knjige 2021.
❤️ 📖 Tragali smo za posebnom knjigom kojom bi se ove godine predstavili na manifestaciji “Noć knjige” i možemo slobodno reći da je ona pronašla nas – predstavljamo vam “Tatu i Patu u čudnovatoj pričaonici”!
📚 Naša “Ljekovita pričaonica” je prilika da predstavimo ovu sjajnu knjigu autorskog tima Aino Havukainen i ilustratora Sami Toivonon, u izdanju kuće Propolis Books iz Beograda. I to nije sve: ovo je prilika da najavimo saradnju sa ovom sjajnom izdavačkom kućom u čijim izdanjima često uživamo, a zbog čega smo posebno radosni! ❤️
📖 A kakva će biti “Ljekovita pričaonica”? Pa baš takva da se njome liječi dosada večeri u kojoj se bajke čitaju uvijek istim jednoličnim mrmljanjem. Naime, Tatu i Patu, braća iz Čudesije objašnjavaju da kada nam čitanje nije zabavno problem nije nužno u čitaocu, ni u slušaocu, ni u priči. Problem je što uz priču nije ponuđeno odgovarajuće uputstvo za čitanje.
❤️ Upravo ovo je razlog zašto smo se, kako neko reče, i pronašli – kao i braća iz Čudesije i mi iz Čigrališta vjerujemo u ljekovitu moć priče, pa ćemo kao i do sada čitati mijenjajući glasove, izvrćući riječi, pogravajući se i na kraju podstičući ideje za nakon čitanja.
👂 “Ljekovitu pričaonicu” moći ćete da poslušate na sajtu www.bajke.me u petak, 23.04.2021. od 18:00 časova, a do tada – maštajte, sanjajte i vjerujte u ljekovitu moć knjige.